Үнэгүй вирусны хамгаалалт + галт хана. Та бүхэндээ өөрийн ашигладаг үнэгүй вирусны эсрэг програм хангамжийг хүргэж байна. Хүн бүр л өөр өөрийн гэсэн ашигладаг вирусны эсрэг програм хангамжтай байх. Хүмүүс миний бодлоор энэ сайн, тэр сайн гээд өөр өөрийнхөөрөө л хэлэх байх. Би ч мөн адил өөрийн сайн гэсэн ZoneAlarm Free Antivirus + Firewall -г танилцуулж байна.

Үнэгүй биш үнэтэйг нь ашиглая гэвэл мөнгөө төлөөд худалдаж аваад ашиглах бизээ. Гэхдээ crack-дсан вирусны эсрэг програм хангамж дэмий л байх гэж бодож байна. Ядаж вирусны эсрэг програмаа албан ёсны эрхтэйг нь ашиглаарай, үнэгүй ч байсан хамаагүй. Бусад төрлийн програмууд бол өнгөрсөн хэхэ.

Би яагаад ZoneAlarm-г сонгосон талаараа цухас дурья. Вирустай файлыг хэд хэдэн вирусны эсрэг програм хангамжуудыг аль нь илрүүлж чадаж байна гэж 1 удаа шалгаж үзэхэд ZoneAlarm ялсан. Бас бусад төрлийн вирусны эсрэг програм хангамжаар шалгаад асуудалгүй гэсэн флаш дискийг ZoneAlarm-р шалгахад илрүүлж байсан юм. Бас ZoneAlarm дээр firewall буюу галт хана нэмэгдэж ирдэг юм.

Үүнээс гадна Windows үйлдлийн системийн өөрийнх нь вирусны эсрэг програм хангамж бас сайн л санагддаг юм.

НЭМЭЛТ: Вирусны хамгаалалтаас гадна юу чухал вэ гэхээр компьютерийн үндсэн системийн шинэчлэл буюу update маш чухал шүү. Эдгээр шинэчлэлийг тухай бүр нь хийснээр халдлагуудаас сэргийлэх боломжтой байдаг.

ТАТАХ (DOWNLOAD)